دليل المشاهدة للفانز العربي من البداية للاحتراف -ماتعرفوه ولاتعرفوه عن الدراما التايلاندية - س وج -المقدمة -

هنبدء سلسلة للمبتدئين والمتقدمين كمان تعريفية عن اهم العناصر والسمات الشخصية للدراما التايلاندية وابطالها 

في المقدمة احب اقول اني لاقيت مواضيع وكل مهمتي ان هترجم واحاول ابسطهم للي حابب يتعرف وعنده صعوبة في الاطلاع علي المقالات باللغة الانجليزية 

من فترة طويلة طالما كان الجمهور الاسيوي له دراما مفضلة وظلت الدراما التايوانية والصينية ثم الكورية مؤخرا المفضلة للجمهور الاسيوي عموما والتايلاندي خصوصا لكن مع الطفرة الاخيرة والتقدم التكنولوجي اصبح للدراما التايلاندية شان اخر ولها شعبية كبيرة في اسيا وتايلاند حتي في الصين اكبر الدول الاسيوية انتاجا للدراما

ايوه يعني المقدمة ديه ليه عايزة ايه

انا متاكدة من شئ في يوم ما مش هقدر اكتب عن الدراما التايلاندية والفن التايلاندي عموما معرفش ليه الاحساس ده بس احساس غريب وغامض حبيت يكون فيه مواضيع وان كانت مش جيدة بس اهو تنفع للي عايز يتعرف علي الدراما التايلاندي


طيب نرجع لسؤالنا بنتفرج علي الدراما التايلاندي  اللي ليها بيطلق عليها بالتايلاندي lakorn
ليه وايه اللي بيلفت نظرنا فيها واسباب حبنا ليها بالرغم من وجود معوقات كتيرة اهمها اللغة اللي بتعتبر من اصعب واندر اللغات
واختلاف الثقافة والي اخره
فيه اسباب كتيرة بس هاسردها المرة الجاية

بس نقدر نقسم مشاهدين الدراما لنوعين اساسين
نوع الفانز القديم اللي بدء من الاول يعني دور بنمفسه واتفرج علي الدراما مترجمة بلغات اخري غير العربية وبدء يبحث ويتابع حتي بدون ترجمة واتطور الامر انه يعرف معلومات كتير ويوقع في غرام الدراما وكمان الثقافة التايلاندية وكمان فانز بفنانين وفنانات بالاسم وعنده وفاء واصل وصبر رهيب وبيحاول يقنع اصحابه ومعارفه وعيلته بالدراما ويحكي عن جمالها ولو وصل الامر للاجبار هههههه بيعمل الموضوع ده وميتخافش عليهم وواعين جدا وفاهمين يتفرجوا علي ايه وايه اللي ميتفرجوش عليه



النوع التاني عامل زي ناس كتير بدء يعرفوا الكي بوب من خلال بساي واغنية غانغام ستايل وهنا حالتهم ان عرفوا الدراما التايلاندي من خلال مسلسل فول هاوس واتهوسوا بمايك وبيدلعوه ب مايكي وعشقوا كابل الحب بتاع المسلسل وغالبا دول جداد وعايزين زي نوعية دراما فول هاوس ولا كانوا بيعرفوا عن الدراما التايلاندي شئ واتفاجئوا بوجودها وكان الدراما التايلاندي وحشة او جايين من كوكب تاني
دول بيكونوا زي طلاب الثانوية العامة او البكالوريا محتارين وبيتكلموا كتير ههههه ومتسرعين عايزين كل حاجة بسرعة حقهم
بس والله بيصعب عليا لما يطرحوا اسئلة وميبقاش ليها اي اجابة لان انتوا عارفين صعوبة وندرة الدراما المترجمة

سؤال مهم وبيتكرر كتير
طيب نجوم ونجمات تايلاند ليهم مواصفات وياتري هما كلهم مخلطين بمعني اننا بنلاحظ اشكال اغلبهم اوروبية او حتي غير تايلاندية  مية في المية

هو مش سؤال ده كوكتيل اسئلة وعايز قعدة بس عشان متزعلوش طبعا ليهم مواصفات يعني الشكل الوسيم واللباقة وعلي الاقل يكونوا بيعرفوا يمثلوا  للعلم ان فيه نجوم كتير كانوا عارضي ازياء -موديلز- في الاصل وتم اكتشافهم زي كين وان تونغبروسم وجيني  وماريو واوم بي كانت موديل وملكة جمال وشامبو وممكن يكونوا موديلز في كليبات غنائية واعلانات وعروض ازياء عادي جدا وممكن يكونوا مغنيين واتجهوا للتمثيل زي بيتر  مايك واخوه غولف و دوم  ومعايير الاختيار متفاوتة بس صارمة والموهبة مش كلر شئ حاليا للاسف لاننا في عصر الصورة
بالنسبة لاصولهم زي مافيه مممثلين مشاهير ومش تايلاندين بشكل كامل زي ان تونغبروسم و ماريو واناندا وكيمبرلي ودوم ومارغي وشامبو وغيرهم ونادايش ويايا واندي وصاني
فيه مشاهير تايلاندين بشكل كامل زي اوم وكين وتيك ووير ومايك وجيني وكريت وبوه وبوش وجيمس وسون وغيرهم ووسماء وممثلين اقوياء جدا
الموضوع بس ان في الوقت الحالي بقي الاعتماد علي المخلطين كبير جدا عكس زمان كان الاعتماد علي التايلاندين بالكامل وان كان كان برضه فيه نسبة قليلة لكن مكنش زي دلوقتي يكفي ان فيه قنوات زمان بترفض ظهور نجوم شكلها اوروبي او عايشة بره عكس دلوقتي وهنعرف في السلسلة اكتر عن الموضوع ده
=سؤال ع الماشي

هي الدراما التايلاندي كلها انتقام وحب ومشاهدقوية مفيش انواع ولاتغيير
امممممم  مين قال كده اه فيه نوع الانتقام والحب المشهور والرائج في تايلاند وبره تايلاند وبيحتوي ع مشاهد بس فيه كوميدي ورومانسي واكشن وتا-----ريخي  وقديم بس زي ماقولت عشان الانتاج الاكبر لل----نوعية ديه وكمان للاسف اغلبية الدراما المترجمة والمتوافرة فبالتالي الخيار بيبقي محدد للمشاهد العربي ولينا كمترجمين وكمان عشان للاسف مفيش ثقافة التنوع عند المشاهد عندنا  يعني ملاقيش كتير فكروا يتفرجوا علي شئ مختلف ولو حد قال حاجة بتتصدق سمعت حدبيقول كل الدراما التايلاندية ايحاءات جنسية فجة ومشاهد مخلة واغتصاب وموضوع الاغتصاب بالتحديد هاتكلمعنه عشان اوضح الصورة كاملة  بس بالعكس الدراما التايلاندية متنوعة بس احنا كمشاهدين بنستسهل

لايمنع ان مسلسلات كتيرة وقعنا في غرامها وكان فيه مشاهد عنيفة او البطل كان قاسي  بس في النهاية بنشوف ازاي الحب بغيره للافضل وبيعرف غلطته وبيحاول يصلح من نفسه ويعترف باخطائه وديه اسمها العاقبة الاخلاقية ودورها في التغيير وديه حاجة ليها علاقة بالنفس البشرية كلنا بنغلط بس المهم بنتعلم والدراما بتحاول تنقل الموضوع ده وان كان ليا تحفظات علي بعض المبالغات 

طيب بنلاقي كتير ممثل بيمثل مع ممثلة اكتر من مسلسل هو مفيش ممثلين وممثلات في تايلاند 

والله فيه بس الفانز هناك عاطفي مش كلهم بس الاغلبية بتحب تشوف الزوج المفضل ليهم مع بعض في مسلسلات كتير وده بيكون بسبب نجاحهم ونجاح المسلسل وارتباط الفانز وده اللي حصل حاليا مع مايك واوم 

كابلات شهيرة منهامش كلهم فيه نجوم كتير جدا بس للاسف اعمالهم مش معروفة بشكل كبير بين الفانز العربي 

نجوم دراما سجينة الحب افف واوم 


نجوم دراما بعيدا عن السماء الميغاستار كين وان 

النجوم الشباب نادايش ويايا  ابطال دراما لعبة الحب والشر 

نجوم دراما لاتتزوجيني بوي ومارغي 

نجوم دراما الانتقام-الخداع- الساحر وير وماي



كمان فيه ماريو وتاوي 

مارك وكيمي 

طيب هو فيه قنوات للمسلسلات ومواقع 

طبعا قنوات حكومية رسمية زي التالتة   اقدمهم واشهرهم والسابعة وقنوات خاصة زي وان وغيرهم وللاسف مش بيترجموا مسلسلاتهم 

بجد السؤال ده تقريبا بقي في  الروتين اليومي ليا
ليه مش بنلاقي دراما مترجمة تايلاندي عربي كتير مع اننا ساعات بنلاقي مسلسلات مترجمة باللغة الانجليزية في مواقع تاني وحتي كمان بنلاقيها بالاسباني والفيتنامي واللغة الفرنسية تمام اوي وبتلاقيهم كلهم كاملين والجودة عاملة ايه وبتلاقي الملفات
لو لاقيت كل دول اتمني تعرفينا كمترجمين واحنا لو لاقينا دراما مناسبة هنترجمها فورا بس حطي في بالك كل المواصفات تكون م===توافرة بالاضافة تكون مناسبة لثقافتنا وتعاليم الدين وغير خادشة ماهو مش اي مسلسل وخلاص
وعلي فكرة ومش بعمل اعلان سوان مش متاخرة ابدا وماشاء الله كنز يعني الملفات لو متوافرة مش بتتاخر واللي بتطلبوه بتلاقوه وكمان لولو في الانتاج مش متاخرة ابدا وفريق المترجمين والرافعين وكل الموقع بيحبوا يقدموا ليكم الافضل  وبدون مقابل عكس مواقع بتسرق وبتدفع فلوس
المرة الجاية هنتكلم عن مواصفات بطل الدراما بشكل تفصيلي وكمان مشاهد من مسلسلات لاتنسي وحاجات تا--نية كتير

نقطة اضافية


p.s
ملاحظة
كل اللي تم زكره وكتابته بسجله كمتابعة ومشاهدة مش مدونة وبكتب وكل المعلومات الواردة من واقع تجربتي ومعرفتي بالفانز العربي وغير العربي فيه معلومات كتيرة بس هيكون الموضوع طويل اوي وسبتها عن قصد واتمني اننا نكمل